ՀՊՄՀ Հենակետային վարժարանի դեռահասների շրջանում մեդիագրագիտության մակարդակի բարձրացման նպատակով պատմություն և հայոց լեզու նպատակային առարկաների խորացված ուսուցմամբ 11-րդ դասարանի սաները մասնակցեցին մեդիագրագիտության թեմայով սեմինար-քննարկման` խաղային ձևաչափով։

Սեմինարն ուղղված էր դպրոցականների քննադատական մտածողության և տեղեկատվական միջավայրում վստահորեն կողմնորոշվելու կարողությունների զարգացմանը։

Նրանք ընդլայնեցին գիտելիքները մեդիայի տեսակների և դրանց առանձնահատկությունների վերաբերյալ, ուսումնասիրեցին հիմնական չափանիշները, որոնք օգնում են տարբերակել հավաստի տեղեկատվությունը կեղծից։

Խաղային առաջադրանքների միջոցով կարողացան տարբերակել հուզական արտահայտչամիջոցների ազդեցությունը տրամաբանական փաստերից։